Til fots og på sykkel
Den nye turvegen mellom Indre Slinde og Nordnes er no opparbeidd slik at han kan nyttast til fots og på sykkel. Brua er sikra og ny brukarvenleg hjorteport er bygd på Slindesida. Vi vil minne om at portane må haldast steng for å unngå hjorteskade i frukthagane. Turvegen er også framkomeleg med barnevogn, men det er ein føremon med store hjul, pga noko ujamt dekke.

Namn
Namn på turvegen har så langt vore "Nyvegen", men vi ønskjer eit meir stadtilpassa namn. Vi kan kanskje ta utgangspunkt i at vegen går forbi Jamnagjerdet og Jamnaflata på Slindesida, gjennom Vetlerasmarki og forbi Jamnene og Jamnastein på Lomelde. Jamnsidevegen kan såleis vere eit passande namn på turvegen, men også Markavegen. Kom gjerne med forslag til namn eller komentarar til forslaga.   

TAKK
Det er framleis noko arbeid som står att før vegen er ferdig, men vi vil rette ein førebels stor takk til grunneigarane for deira samarbeid, til alle dei som så langt har delteke på dugnad, og til våre sponsorar. Vi som har delteke har fått mange postive attendemeldingar, som t.d. - "Turvegen har gitt oss ei ny oppleving i Norane" eller "Det er der vi møter bygdafolket". Dette har ikkje vore mogleg utan samarbeidet med grunneigarane, sponsorane og dugndasinnsatsen. TUSEN TAKK TIL ALLE!